نفت الإعلامية مروة شتلة، وفاة زميلتها المخرجة ميادة عثمان، زوجة الفنان ياسر فرج، بفيروس كورونا المستجد، أمس الأربعاء.
وكتبت شتلة على موقع التواصل الاجتماعي “فيس بوك”: “مش كورونا والله حبيبتي كانت مريضة بقالها سنتين وحالتها تدهورت”.
وسبق ونعى ياسر فرج زوجته على حسابه بـ”انستجرام”، وقال: “إنا لله وإنا إليه راجعون، اللهم إني لا أسألك رد القضاء، ولكني أسألك اللطف فيه”.
وتابع: “النهاردة شفت بعيني قد إيه ربنا راضي عنك، وقد إيه كل اللي يعرفوكي بيحبوكي، وكم الدعاء اللي الناس دعتهولك وهي ما تعرفكيش، الدكاترة والممرضين اللي عرفوكي آخر أربع شهور حبوكي قد إيه، اللي هيصبرني بقية حياتي، أنا والأولاد إننا متاكدين إن ربنا عاوزك في مكان أحسن ومع ناس أحسن.. مسامحك في أي حاجة، وراضي عنك في كل شيء..إلى اللقاء يوم اللقاء”.
