غادة عادل تخضع لـ«جراحة تجميلية».. وتكشف السبب الصادم!
في خطوة مفاجئة، أعلنت الفنانة غادة عادل عن خضوعها لعملية تجميل في الوجه خلال الساعات القادمة، بالتزامن مع مشاركتها في الجزء الثاني من مسلسل «وتر حساس».
غادة عادل تكشف سرّ خضوعها للجراحة
أوضحت غادة عادل، في فيديو قصير مع طبيبها المعالج، أنها تعاني من بعض المشاكل التي ظهرت بوجهها مع التقدم في العمر، ما دفعها لاتخاذ قرار إجراء جراحة تجميلية. وأضافت مازحة: «حسيت إن كل الناس بقت بتعمل كده، ولو دي حاجة تخليني مستريحة ومبسوطة، يبقى ليه لأ؟!».
«عاوزة شكلي حلو».. غادة عادل تشرح دوافعها
تحدثت غادة عادل لطبيبها قائلة: «عاوزة المشاكل اللي مضايقاني تشوفها وتحلها، بحس رقبتي والخدود فيهم مشاكل، عاوزة يبقى شكلي حلو». وأكملت: «مش عارفة أعمل إيه بالضبط وإيه المفروض اللي يتعمل، بس عاوزة أحس إني ميكونش عندي المشاكل اللي مضايقاني، والديفوهات اللي بشوفها وأنا بشتغل».
«مش قصدي أصغر نفسي».. غادة عادل تؤكد
أكدت غادة عادل: «مش قصدي أصغر نفسي ولا أبقى صغيرة، كل الناس عارفة أنا مين وأولادي مين، لكن أوقات أحس إن فيه حتة من وشي نازلة وتضايقني في الشغل، ولو مش نايمة كويس أحس إن وشي واقع.. أكيد أنا دلوقتي مش زي زمان، لكن عاوزة أرجع زي زمان».
غادة عادل في «وتر حساس 2»
على صعيد آخر، تستعد غادة عادل للمشاركة في الجزء الثاني من مسلسل وتر حساس، خلفًا للفنانة صبا مبارك، بطلة الجزء الأول. يشارك في بطولة المسلسل نخبة من النجوم، منهم إنجي المقدم، محمد علاء، هيدي كرم، لطيفة فهمي، وغيرهم. تدور أحداثه حول الخيانة الزوجية والعلاقات المتشابكة بين ثلاث صديقات.
