خناقة عائلية تشعل السوشيال ميديا.. إسماعيل الليثي يرد على اتهامات زوجته بالضرب والسرقة!
تصدرت البلوجر شيماء سعيد، زوجة الفنان الشعبي إسماعيل الليثي، محركات البحث ومواقع التواصل الاجتماعي خلال الساعات الماضية، بعدما كشفت خلال بث مباشر على منصة «تيك توك» عن تعرضها للاعتداء بالضرب والسرقة، ما أثار جدلًا واسعًا بين رواد السوشيال ميديا.
أول رد من الليثي على اتهامات زوجته
وفي أول تعليق له، نفى إسماعيل الليثي نفياً قاطعاً كل ما أثير حول اعتدائه على زوجته شيماء سعيد أو سرقتها، مؤكدًا أن ما حدث مجرد «خناقة أسرية» عادية كأي زوجين. وأوضح الليثي في تصريحات صحفية: «صحيت من النوم، إحنا في العيد، كل سنة وأنتم طيبين، حصلت مشكلة كلامية بيني وبينها، زي أي زوج يتخاصم مع زوجته، وتركتها ونزلت من البيت، لا فيه ضرب ولا أي حاجة».
الليثي: «مصر كلها عارفة مين أبو رضا»
وأكد إسماعيل الليثي: «مصر كلها عارفة مين أبو رضا وإني شبعان ومقدرش أقول حاجة عليها لأنها أم رضا، هي مراتي، ولو أخدت أي حاجة منها اتحاسب». وأضاف: «ياريت كل واحد يخليه في نفسه.. لا أنا وحش ولا عمركم سمعتم عني حاجة وحشة، ودي خناقة أسرية بين راجل ومراته، محدش يتدخل بينا، هي نزلت الفيديو وانفعلت، بس أنتم عارفين إنها مراتي، كل واحد بيتخانق مع مراته».
الليثي ينفي سرقة زوجته
واختتم إسماعيل الليثي تصريحاته مؤكدًا: «ربنا يهدي الحال ويهدي حالها ويديها الخير كله ويجعلها أحسن مني دايما، ومفيش بيني وبينها أي حاجة، مخدتش منها حاجة ولا باخد حاجة من حد ومحدش ليه عندي جنيه. محدش يتدخل ويكتب أخبار كاذبة ويقول ضربها وسرقها وخد دهبها، أنت شفت؟ حد شافني؟ طول عمري في زيادة ليها، وربنا يجعلها دايما من المستورين، هي لسه مراتي وعلى ذمتي».
