الرئيس السيسي: “بتمنى أعمل كل حاجة حلوة لمصر خاصة للناس اللي ظروفها صعبة” (فيديو)

أشاد الرئيس عبدالفتاح السيسي، بقصة كفاح السيدة ناهد، سائقة تروسيكل، قائلا: “اللي بطوله بعمله، فيه ناس مش بطولها، فبقول للمسؤولين اتعاملوا أو تعالوا تقولولي وأنا أعمل”.

وثمن الرئيس عبد الفتاح السيسي، قصة كفاح إحدى السيدات التي تُربي 5 فتيات، قائلًا: “مينفش تبقى بتجري عليهم كدة وإحنا قاعدين نتفرج، ربنا يديها الصحة، الفتيات دول محتاجين رعاية، عشان بعد كدة هيبقوا 5 أُسر”.

وأضاف السيسي خلال مداخلة هاتفية مع الإعلامي عمرو خليل، والإعلامية ريهام إبراهيم، في برنامج “من مصر” المذاع على قناة cbc، اليوم الأحد: “أنتوا بتبينوا قد إيه هي الأم، بتظهروا قيمة الأم، شوفوا الأم عاملة إزاي؟، والله أنا بتمنى أعمل كل حاجة حلوة لمصر، خاصة للناس اللي ظروفها صعبة، زي المثال ده، ومنه كتير في مصر”.

وأكد الرئيس: “إحنا بلد ظروفنا كده، إحنا الدولة مش غنية، بس على الأقل يبقى بقلوبنا وإرداتنا على قد ما ربنا يقدرنا”.

وتابع: “هندبر كل اللي هي عاوزاه، وتستحقي كل خير، وكل ست تعمل كدة تاج على راسنا كلنا، وتشرفنا، أنا عاوز أقول النقطة دي، أحترم أوي الست المصرية، كل ست أنا مش شايفها، بقول للمسؤولين في المحافظة والمحليات خلوا بالكم من أهلكم، خلوا بالكم الست دي عرضنا، وإحنا مسؤولين عنها”.

وإختتم الرئيس السيسي حديثه موجهًا الشكر لأسرة البرنامج لعرضهم مثل هذه النماذج.

https://www.facebook.com/CBCEgypt/videos/191150755856340/