«الشرنوبي» يرد على “سارة الطباخ” بنشر حكم قضائي ضدها

نشر الفنان محمد الشرنوبي ، صورة عبر صفحته الرسمية على «فيسبوك» لحكم بحبس الممثلة القانونية لشركة إدارة أعماله السابقة سنتين لتبديد المبالغ المالية التي في ذمتها بموجب التوكيل الرسمي وخيانة الأمانة.

وعلق الشربوبي قائلا: “تم صدور حكم فى الجنحة رقم 1626 لسنة 2020 جنح الشيخ زايد بحبس الممثلة القانونية لشركة إدارة أعمالي السابقة سنتين لتبديد المبالغ المالية التي في ذمتها بموجب التوكيل الرسمي وخيانة الأمانة.. أظن الصورة وضحت..  أنا كنت ساكت ومكانش نفسي الأمور توصل لكده وكنت مقرر إني مش هتكلم تاني في الإعلام بس لقيت إصرارا من الطرف الأخر إنه يقحم الإعلام ويشوه صورتي قدام الناس”.

وأضاف الشرنوبي: “بس لو في حد واخد حق حد، فالقانون والمحكمة قالت كلمتها، والشركه كان صادر ليها توكيل بموجب العقد اللي بينا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي إنها تستلم وتاخد نسبتها وتوردلي الباقي وده مكانش بيحصل.. الممثلة القانونية للشركة خانت الأمانة وبددت كل أموالي اللي في ذمتها، وآخر صلح سلمت الشركة توكيلا على أساس إننا هنفتح صفحة جديدة وتعهدت إنها هتسددلي كل فلوسي اللي في ذمتها وده مثبت في محضر الصلح في غرفة صناعة السينما وبالفعل نفذت المسلسل وبرضه مخدتش فلوسي”.

واختتم حديثه قائلا: “لكل شركات الإنتاج برجاء عدم التعامل مع أي جهة أو شخص غير من خلالي شخصيا وعدم الالتفات لأي تحذير أو إنذارات تصدر من الشركة لأن ببساطة الهدف الوحيد هو تعطيل شغلي وتشويه صورتي والحصول على مبالغ مادية بدون وجه حق”.