سر شاورما الفراخ السوري: طريقة عمل لا تُقاوم في المنزل!
لما بتشتهي شاورما فراخ زي بتاعت المطاعم، ومش عايزة تضحي بجودة ونظافة الأكل، يبقى لازم تجربي وصفتنا! هنساعدك تعملي شاورما فراخ سوري في البيت، بطريقة سهلة وبسيطة، هتخلي الكل يطلبها منك دايماً.
شاورما الفراخ السوري
بوابة “الأسبوع” بتقدملكِ كل أسرار تحضير شاورما الفراخ السوري في البيت، بخطوات سهلة وواضحة، هتخليكي محترفة شاورما!
مكونات شاورما الفراخ السوري
- نصف كيلو صدور دجاج
- كوب زبادي
- عصير 2 ليمون
- 3 فصوص ثوم
- بشر 2 ليمونة
- ملعقة صغيرة حبهان
- ملعقة صغيرة قرنفل
- ملح
- فلفل أسود
- ملعقة بهارات الشاورما
- رشة جنزبيل
- 3 ملاعق زيت
- بصل مقطع شرائح
- نعناع أخضر
- 2 طماطم منزوعة القلب ومقطعة شرائح
طريقة التحضير
جهزي التتبيلة في وعاء عميق: ضعي الزبادي، الثوم، الزيت، عصير وبشر الليمون، والبهارات. قلبي المكونات كويس، ثم ضعي فيها قطع صدور الدجاج. غطي العلبة بورق استرتش، ورصي صدور الدجاج بانتظام، واضغطي عليها برفق. سيبيها في التلاجة لمدة 6-8 ساعات على الأقل.
بعد كده، أخرجي الدجاج من التلاجة، واقلبي العلبة على قطاعه خشب، هتلاقي الدجاج بقى متماسك زي قالب الطوب. قطعيها شرائح رفيعة جداً، وحطيها في مقلاة مع قليل من الزيت على نار متوسطة. قلبي الشاورما باستمرار لحد ما لونها يبقى ذهبي.
ضيفي البصل، الطماطم، والنعناع على شاورما الفراخ، وسيبيهم على النار لمدة 5 دقائق لحد ما الخضار يذبل. وأخيراً، حطي الشاورما في خبز فينو أو سوري، وبالهنا والشفا!
