رقصة مؤثرة تجمع أحمد زاهر وابنته ليلى في حفل زفافها.. دموع وذكريات
في ليلة زفاف ابنته ليلى على المنتج هشام جمال، لم يتمالك الفنان أحمد زاهر نفسه، وانهمرت دموعه متأثرًا وهو يرقص معها، في مشهد مؤثر خطف قلوب الحضور وتصدر مواقع التواصل الاجتماعي. شارك زاهر متابعيه على حسابه الرسمي على إنستجرام مقطع فيديو للرقصة، معبرًا عن مشاعره الجياشة.
ذكريات تتراقص أمام عيني زاهر
وصف أحمد زاهر شعوره في تلك اللحظات، قائلًا: “وأنا داخل أرقص معاكي شفت وشك اللي زي القمر، أجمل عروسة في الدنيا كلها. بصيت في عينيكي وفجأة مر قدامي شريط ذكريات من أول لما جيتي الدنيا وأنا أول واحد شيلتك بين إيديا، وشفت كل لحظة وإنتي بتكبري قدام عيني لحد اللحظة اللي إحنا بنرقص فيها مع بعض”.
مشاعر متناقضة بين الفرح والحزن
تابع زاهر: “وانتي عروسة زي القمر وخلاص هتسيبيني وتمشي مع عريسك، حسيت بمشاعر كتير متناقضة ومختلفة، الدموع نزلت من عيني غصب عني وحسيت إني عاوز أقولك لا متمشيش وتسيبيني، وأرجع في كلامي”. وأضاف: “بس في نفس الوقت أنا عارف أن دي أجمل لحظة في حياتك، إنك اخترتي اللي بتحبيه وبيحبك، وبصراحة اخترتي صح، راجل محترم وبيحبك وبيقدرك وهيشيلك جوه عنيه زي ما وعدني”.
نجوم الفن يشهدون حفل الزفاف
حضر حفل زفاف ليلى أحمد زاهر وهشام جمال عدد كبير من نجوم الفن، منهم: يسرا، ليلى علوي، مصطفى شعبان، أحمد السعدني، ريهام عبد الغفور، عمرو دياب، داليا البحيري، عبير صبري، كريم العدل، إيهاب فهمي، محمود عبد المغني، محمد ثروت، عصام السقا، سوزان نجم الدين، عمر السعيد، إدوارد، أمير شاهين، تامر مرضى، عمرو الليثي، إيهاب توفيق، شيري عادل، وعماد صفوت.
إطلالة أنيقة للعروسين
وتألقت ليلى بفستان أبيض أنيق، بينما اختار هشام إطلالة كلاسيكية تناسبت مع أجواء الحفل الفاخر.
