رحمة محسن تُشعل الحماس بأغنيتها الجديدة «حزن مغلي» بعد نجاح «حفلة تنكرية»

بعد النجاح الجماهيري الكبير الذي حققته أغنية «حفلة تنكرية» خلال عرض مسلسل «فهد البطل» في رمضان 2025، تستعد الفنانة رحمة محسن لإطلاق أحدث أعمالها الغنائية بعنوان «حزن مغلي».

رحمة محسن تروج لأغنيتها الجديدة «حزن مغلي»

روجت رحمة محسن لأغنيتها الجديدة عبر حسابها الشخصي على موقع «إنستجرام»، حيث شاركت جمهورها بمنشور كتبت فيه: «صباح الخير يا حبايبي.. رحومة بتعملكم حِزن مغلي.. إللي مجروح ومدبوح ومتخان ومتهان ومخدوغ ومصفوع.. ما يسمعش غنوتنا الجديدة».

كلمات أغنية «حفلة تنكرية»

يُذكر أن أغنية «حفلة تنكرية» من كلمات ملاك عادل، وألحان مصطفى العسال، وتوزيع إسلام ساسو. وتقول كلماتها:

يا عين يا ليل يا ليل يا ليل يا عين ياليل
ناس مش أحلى حاجة
والحال مش مية مية
الدنيا بقت عباره عن حفلة تنكرية
وحفيت على حد سالك
ومالقيتش يا دنيا حد
والنفسيات تخوف
واللي جوه الناس يخض
وحفيت على حد سالك
ومالقيتش يا دنيا حد
دي النفسيات تخوف
واللي جوه الناس يخض
ده أنا الزمان ياما دغدغني
ده مضحي بيا ومستغني
لما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
والحزن عامل فيها شقيق
والفرح عامل من بنها
الدنيا عاملة عامله معايا الغلط
عملت إيه في حياتي غلط؟
الدنيا عاملة معايا الغلط
عملت إيه؟
ده أنا الزمان ياما دغدغني
ده مضحي بيا ومستغني
ولما ضحكت لي الأيام
سهتني علشان تلدغني
قولوا لي راحة البال فينها
الدنيا كترت أسافينها
وهتيجي فرحة قلبي منين
والدنيا والناس دايسينها