رامي صبري يحتفل بعيد ميلاد ابنيه علي وعمر في أجواء عائلية
في لفتةٍ دافئة، احتفل الفنان رامي صبري وزوجته الفنانة شيري عادل، بعيد ميلاد ابنيهما علي وعمر، وسط أجواء عائلية مفعمة بالحب والبساطة.
ونشرت شيري عادل عبر حسابها على موقع انستجرام، صورًا من الاحتفال، معلقةً عليها بكلماتٍ مؤثرةٍ عبّرت فيها عن مشاعر الأمومة الجياشة، قائلةً: «زي النهارده ربنا أهداني أحلى هدية في الحياة، قرار يسعدني عرفت حب جديد، حب صعب حد يوصفه أو يشرحه، عرفت إزاي ممكن تحب حد أكتر ما تحب نفسك وتتمنى من ربنا إنك تشوفه أحسن منك، وكل الدعوات تبقى علشانه وقلبك يفرح لفرحه.. باختصار حد يجي الدنيا علشان هو يبقى الدنيا بالنسبالك وينور حياتك ويخليها أحلى، ومتفتكرش حياتك قبلهم كانت عاملة إزاي، ويوم ولادتهم بتكون يوم ولادتك معاهم».
ووجّهت شيري عادل رسالةً مليئةً بالحب والحنان لابنيها علي وعمر، قائلةً: «في عيدكم النهارده يا نور عيني، بتمنى ربنا يحفظكم ويسعد أيامكم ويخليكم لينا وأشوفكم زي ما أتمنى وأكتر، كل سنة وأنتو في خير وصحة وعقبال مليون سنة يا أحلى علي وعمر».
أحدث أعمال رامي صبري
يذكر أن رامي صبري قد أطلق مؤخرًا أغنية «الحب عيبنا» عبر يوتيوب والمنصات الموسيقية، والتي غنّاها في الحلقة الأخيرة من مسلسل «وتقابل حبيب» بطولة ياسمين عبد العزيز. الأغنية من كلمات كريم فهمي، وألحان عمرو الشاذلي، وإنتاج محمد حامد.
كلمات أغنية الحب عيبنا
طب ليه يا لقى بتنادينا
لما الفراق مكتوب علينا
طب ليه تزيد الود بينا
والحنين ترميه علينا
حتى الصدف كترت ما بينا
والعشم زد سنة سنة
طب ليه بتبني الذكريات
لما الفراق هيهد بينا
ليه خليتنا نحلم
والأمل لمع عيوننا
ليه خلتنا نعشق
بعدها تتعب قلوبنا
يعني هو الحب عيبنا
أيوه شكل الحب عيبنا
كفاية تلعب بالمشاعر
كفاية كدب خلاص تعبنا
طب ليه يا لقى تعيده تاني
لما أنت في الآخر أناني
ليه تجمع في الحبايب
لما جايلك يوم وسايب
كنت جيبها واحدة واحدة
كنت جيبها حبة حبة
كنت قبل ما تنهي بنا قللنا شوية
ليه خليتنا نحلم
والأمل لمع عيوننا
ليه خلتنا نعشق
بعدها تتعب قلوبنا
يعني هو الحب عيبنا
أيوه شكل الحب عيبنا
كفاية تلعب بالمشاعر
كفاية كدب خلاص تعبنا
