طرح الفنان دياب أغنيته الجديدة «بالسلامة والله يسهله» على موقع الفيديوهات الشهير «يوتيوب»، والأغنية من كلمات عمرو قطب، وألحان حسين زكريا، وتوزيع وميكس وماستر رامي نوار.

كلمات أغنية «بالسلامة والله يسهله»

اللي في بعدنا يلقى الراحة
الله يديمها عليه
واللي وجودنا تقيل على قلبه
ياخد الباب في أيديه
لا هنسأله طب ايه كان تاعبه
ولا قصرنا في أيه
ما بقاش عندنا خلق نحايل
حد ولا ندادي فيه

مش واقفين على حد بعينه
ولا قلبنا مجروح
ألف مين يتمنى وجودنا
وبالنسباله طموح
باي باي للي يفرط فينا
والباب أهو مفتوح
استمارة ٦ هنيديله يروح
مطرح ما يروح

بالسلامة والله يسهله
ألف بركة إنها جت منه
ده إحنا ع الباب طوابير واقفة
و100 ع التليفون بيرنوا
هو كان يحلم يقابلنا
يروح يبوس إيده ويدعيلنا

زينا يلاقي فين في الدنيا
ده إحنا مكسب ليه وخسرنا
اللي مش هنحسه شارينا
وراه هنكسر ضهر
ولا هتفرق بينا سفينة
ولا وقعنا في بير

مش غرور منا ولا تعالي
إحنا فعلًا غير
واللي يعرف غيرنا مسيره
يشوف الفرق كبير
إحنا غاليين ع اللي قيمتنا
عارفها أوي وعزاز

واللي يمسك فينا يا بخته
بالسعد والهنا فاز
إحنا نتاقل بطيبتنا
باللولي والألماظ
واللي مانملاش عينه براحته
هو اللي عينه إزاز

بالسلامة والله يسهله ألف بركة إنها جت منه
ده إحنا ع الباب طوابير واقفة
و100 ع التليفون بيرنوا
هو كان يحلم يقابلنا
يروح يبوس إيده ويدعيلنا
زينا يلاقي فين في الدنيا
ده إحنا مكسب ليه وخسرنا

آخر أعمال دياب

جدير بالذكر أن آخر أعمال الفنان دياب كانت مشاركته في مسلسل «قلبي ومفتاحه» الذي عُرض في موسم رمضان 2025، وشارك في بطولته مي عز الدين وآسر ياسين، ومن إخراج تامر محسن.