دعواتكم.. البلوجر دينا داش تدخل غرفة العمليات بعد أيام من ولادتها

قلوب محبيها معلقة بالدعاء.. بعد أيام قليلة من استقبالها مولودها الثاني، حسن، فوجئ متابعو البلوجر دينا داش، شقيقة الفنان الشاب أحمد داش، بطلبها الدعاء لها لتجاوز أزمة صحية مفاجئة استدعت تدخلاً جراحيًا عاجلاً.

دينا داش تطلب الدعاء من متابعيها

شاركت دينا متابعيها على حسابها الرسمي بموقع “إنستجرام” صورة لها من داخل المستشفى، وعلقت عليها قائلة: “مش قادرة قوي أرفع إيدي عن كدة. باختصار، بعد الولادة حصل لي تعقيدات، ومن يوم الثلاثاء وأنا في المستشفى بعمل تحاليل عشان نشوف المشكلة إيه، وهعمل عملية بكرة إن شاء الله، أتمنى أكون كويسة”.

دينا داش: متعودين تشوفوا الجانب المشرق فقط من حياتي

أوضحت دينا أن متابعيها على مواقع التواصل الاجتماعي اعتادوا رؤيتها في أفضل حالاتها، مضيفة: “عارفة إنكم مش متعودين أنشر حاجات سلبية، لما بنشر حاجة بكون كويسة ولذاذة ورقص وأخبار جيدة. واكتشفت رد فعل ونظرات الناس اللي بتشوفني في المستشفى كأنهم بيقولوا غريب أتعب، الناس فاكرة إنها شايفة حياتي 100%، وده مش حقيقي إطلاقا، أنا بس بنشر الحاجات اللي عايزة أوريهالكم واللقطات اللذيذة، لكن اللي بيحصل وعايشاه محدش يعرف عنه حاجة”.

تفاؤل رغم الألم

اختتمت دينا رسالتها بطلب الدعاء منها، قائلة: “ليس لدي رسالة بعينها أقولها لكم، لكن إذا تذكرتوني ادعوا لي، إن شاء الله أعود إليكم قريبًا”. وفي فيديو لاحق، طمأنت دينا جمهورها قائلة: “حسيت في الاستوري اللي فاتت شكلي حزين قوي، التواجد على السوشيال ميديا بتشوفوني عندي توازن رهيب لإني بنشر الحاجات الحلوة، لو خدتوا بالكم بختفي أسبوعين لو بمر بفترة وحشة أو مضغوطة، لما أرجع وأبقى أحسن هحاول أكتر أكون واقعية أكتر وأوريكم الجانبين، مش عايزة أخضكم عليا، الحمد لله أنا كويسة وهبقى كويسة”.